Ռադիո Մարիամ
#
LIVE
Վարդարանի փառավորության խորհուրդները (Կիրակի և երեքշաբթի)

Վարդարանի փառավորության խորհուրդները (Կիրակի և երեքշաբթի)

Ա. ՅԻՍՈՒՍԻ ՅԱՐՈՒԹԻՒՆԸ

Շաբաթ օրուայ երեկոյեան, երբ կիրակին լուսանում էր, Մարիամ Մագդաղենացին եւ միւս Մարիամը եկան գերեզմանը տեսնելու: Եւ ահա մեծ երկրաշարժ եղաւ, որովհետեւ Տիրոջ հրեշտակը երկնքից իջնելով՝ մօտեցաւ, դռնից վէմը մի կողմ գլորեց ու նստեց նրա վրայ: Նրա տեսքը փայլակի նման էր, ու նրա զգեստը՝ սպիտակ, ինչպէս ձիւնը: Նրա ահից պահապանները խռովուեցին եւ մեռելների պէս եղան: Հրեշտակը խօսեց ու կանանց ասաց. «Դուք մի´ վախեցէք, գիտեմ, որ փնտռում էք Յիսուսին, որ խաչուեց. այստեղ չէ նա, քանի որ յարութիւն առաւ, ինչպէս ինքն ասել էր. եկէ´ք, տեսէ´ք այն տեղը, ուր պառկած էր: Եւ իսկոյն գնացէ´ք, ասացէ´ք նրա աշակերտներին, թէ յարութիւն առաւ. եւ ահա նա ձեզնից առաջ գնում է Գալիլիա. այնտեղ նրան կը տեսնէք: Ահա ասացի ձեզ» (Մտթ. 28, 1-7):

Կարճ խորհրդածութիւն

Հայր Մեր... 10 Ողջոյն... Փառք Հօր...
Ով Յիսուս, ների´ր մեր մեղքերը, պահի´ր մեզ դժոխքի կրակից եւ Երկինք տար բոլոր հոգիներին, յատկապէս առաւել կարօտեալներին:

 

Բ. ՅԻՍՈՒՍԻ ՀԱՄԲԱՐՁՈՒՄԸ

Ապա Յիսուս առաքեալներին տարաւ հանեց մինչեւ Բեթանիա եւ, բարձրացնելով իր ձեռքերը, օրհնեց նրանց: Եւ մինչ նա օրհնում էր նրանց, բաժանուեց նրանցից եւ դէպի երկինք էր վերանում: Իսկ նրանք երկրպագեցին Յիսուսին եւ մեծ ուրախութեամբ վերադաձան Երուսաղէմ: Եւ

միշտ տաճարում էին, գովաբանում եւ օրհնաբանում էին Աստծուն (Ղկ. 24, 50-53):

Կարճ խորհրդածութիւն

Հայր Մեր... 10 Ողջոյն... Փառք Հօր...
Ով Յիսուս, ների´ր մեր մեղքերը, պահի´ր մեզ դժոխքի կրակից եւ Երկինք տար բոլոր հոգիներին, յատկապէս առաւել կարօտեալներին:

 

 Գ. ՀՈԳԵԳԱԼՈՒՍՏԸ

Երբ Պենտեկոստէի օրերը լրացան, բոլորը միասիրտ, միատեղ էին: Եւ յանկարծակի երկնքից հնչեց մի ձայն՝ սաստիկ հողմից եկած ձայնի նման. եւ լցրեց ամբողջ այն տունը, ուր նստած էին: Եւ նրանց երեւացին բաժանուած լեզուներ, նման բոցեղէն լեզուների, որոնք եւ նստեցին նրանցից իւրաքանչիւրի վրայ: Եւ բոլորը լցուեցին Սուրբ Հոգով ու սկսեցին խօսել ուրիշ լեզուներով, ինչպէս որ Սուրբ Հոգին նրանց խօսել էր տալիս (Գործք. 2, 1-4)։

Կարճ խորհրդածութիւն

Հայր Մեր... 10 Ողջոյն... Փառք Հօր...
Ով Յիսուս, ների´ր մեր մեղքերը, պահի´ր մեզ դժոխքի կրակից եւ Երկինք տար բոլոր հոգիներին, յատկապէս առաւել կարօտեալներին:

 

Դ. ԱՍՏՈՒԱԾԱՄՕՐ ՎԵՐԱՓՈԽՈՒՄԸ

«Այսօր առաքեալները… Սուրբ Կոյսին դնելով գերեզմանի դռան մօտ, սպասում էին եւ ակնկալում

Տիրոջը… Տեսա՛ն Արարչին, որ գալիս էր բազում հրեշտակներով… Տեսան Սուրբ Կոյսին՝ օդում ճախրելիս եւ ամպեղէն կառքով վեր՝ դէպի Երկինք, համբառնալիս եւ երկնային խորանները մտնելիս՝ իմաստուն կոյսերի հետ միասին, եւ նրանց միաձայնելով՝ ասում էին՝ օրհնեա՛լ ես ամենօրհնեալդ կանանց մէջ»: (Ժամ. ի գիշերի, Օրհն. ԴՁ):
Հայր Մեր... 10 Ողջոյն... Փառք Հօր...

Կարճ խորհրդածութիւն

Ով Յիսուս, ների´ր մեր մեղքերը, պահի´ր մեզ դժոխքի կրակից եւ Երկինք տար բոլոր հոգիներին, յատկապէս առաւել կարօտեալներին:

 

Ե. ԱՍՏՈՒԱԾԱՄՕՐ ՊՍԱԿՈՒՄԸ՝ ՈՐՊԷՍ ԹԱԳՈՒՀԻ ԵՐԿՆՔԻ ԵՒ ԵՐԿՐԻ

Եւ երկնքում մեծ նշան երեւաց. մի կին՝ արեգակն իր վրայ առած, լուսինն իր ոտքերի տակ եւ իր գլխի վրայ մի պսակ՝ տասներկու աստղերից (Յայտն. 12,1)։
Տէ´ր, Թագուհին կանգնած է Քո աջից՝ զարդարուած եւ պաճուճուած ոսկեհուռ զգեստներով (Սղմ. 44,10):

Կարճ խորհրդածութիւն

Հայր Մեր... 10 Ողջոյն... Փառք Հօր...
Ով Յիսուս, ների´ր մեր մեղքերը, պահի´ր մեզ դժոխքի կրակից եւ Երկինք տար բոլոր հոգիներին, յատկապէս առաւել կարօտեալներին:

Օրվա Ավետարան

16 Հուլիսի 2024
Աղոթք չկա

ՀԱՃԱԽԱԿԻ ՏՐՎՈՂ ՀԱՐՑԵՐ

Inch anel erb asum em patasxan tveq tvyal ararqi hamar
Հարցնում է՝ Poghosyan
05.10.2024
Թելեվիժնի. ֆերեքանսը փոխվել է. արդեօք։ մենք ձեզ. շատ սիրում և ամբողջ օրը լսում ենք։ հիմա միայն մոբայլով ենք լսում։Շնորհակալ ենք ։
Հարցնում է՝ Լիգիա
02.15.2024
Ռադիո Մարիայի սիրելի ընկերներ, շնորհակալություն ձեր աղոթքների համար: Սեպտեմբերին ես աղոթում եմ Միգելի առողջության համար, Ժոզեֆինայի աշխատանքի համար, Գեմայի, Խոսեի, Մարգարիտայի, Մանուելի, Մարիսայի, Պեդրոյի, Սվետայի, Պիլարի, Ֆելիքսի, Մաքսիի, Էստելայի, Խոսե Միգելի, Խավիերի, Սիլվիայի, Անտոնիոյի և նրանց ընտանիքների համար: Օրհնություններ. Էնրիկե, Վալենսիայից (Իսպանիա).
Հարցնում է՝ enrique de miguel
08.29.2023
Xndrum em dzer hamarn
Հարցնում է՝ Harutyun
07.21.2023
Shat hivand em.,. Khndroum em ognek vor aghotkov aghotem
Հարցնում է՝ Liana Jalalyan
04.03.2023
Երբ ամուսնանում ես 16տ.ում դժվար տարիները անցկացնում ես խանդի,վեճերի,հայհոյանքների մեջ,մեծացնում ես 3երեխա արդեն 25տ։բայց տղամարդը միշտ առաջին տեղում դասում է մորը,որը միշտ փորձել է անախորժություններ է առաջ բերում,իսկ ներկա դրությամբ մենք խորդ ենք իրար,դիմում է առանց անունս տալու,ձեռք բարձրացնելուց հետո չեմ կարողանում ներել էլ...հոգնել եմ հուսալուց որ կփոխվի,ինչպես վարվեմ։???
Հարցնում է՝ Anna
02.18.2023
ինչ է ճշմարտությունը, ինչպես զատել ճշմարիտը կեղծիքից
Հարցնում է՝ Ռաֆիկ Բ.
11.09.2022
Շնորհակալ եմ օրվա աղոթք բաժնի համար
Հարցնում է՝ Anna
09.22.2020
ardyoq cisht e vor evohovan qristonya che?
Հարցնում է՝ Alina
08.22.2020
ovqer en ezdiner
Հարցնում է՝ Alina
08.22.2020
Դիտել բոլորը