Դու կարո՛ղ ես
Ինչո՞վ են տարբերվում հաջողակ ու անհաջողակ մարդիկ, և ի՞նչ անել՝ վերջին անհաջողակից մեծ հաջողակ դառնալու համար:
ԹՈՂԱՐԿՈՒՄՆԵՐ
ԱՎԵԼԻՆ«Բիզնեսմենի մտածելակերպը մյուսներից տարբերվում է ազատությամբ»24 Oct, 2022Արկածային զբոսաշրջությունը Հայաստանի հյուսիսային մարզերում: Ի՞նչը դարձավ այն հիմնադրելու պատճառը: Խնդիրներն ու դժվարությունները՝ նոր ձեռքբերումների հնարավորություն:
Ինչպե՞ս կարելի է զուգահեռ զարգացնել նաև մեղրի բրենդ, և ինչպիսի՞ կապ կարող էր լինել զբոսաշրջության և մեղրի միջև: Որքանո՞վ նպաստեց սեփական գաղափարի ու կարողությունների հանդեպ հավատը գործի՝ հաջողությամբ իրականացնելուն, երբ նույնիսկ հարազատները չէին հավատում:
Ինչպե՞ս վերաբերվել սեփական բացասական մտքերին, երբ դրանք խանգարում են բիզնես սկսել:
Զրույց «Call of mountains» արկածային զբոսաշրջության ակումբի և մեղրի «HoneYan» բրենդի հիմնադիր Արման Ղուկասյանի հետ:
ԱՎԵԼԻՆPR-ի կարևորությունը բիզնեսում21 Oct, 2022Ի՞նչ է PR -ը (Public relations) և ինչպե՞ս է այն նպաստում բիզնեսի զարգացմանը: Որքա՞ն զարգացած է այն Հայաստանում և արդյո՞ք պատշաճ տեղ է հատկացվում նրան մեզանում: Որո՞նք են բիզնեսում ամենահաճախը հանդիպող թերացումները և ինչպե՞ս են վնասում դրանք բիզնեսին: Ինչպե՞ս հաղթահարել ճգնաժամային իրավիճակը. PR-ի դերը այդ գործում: Եվ ինչպե՞ս կանխել ճգնաժամը նրա միջոցով:
Զրույց Հանրային հաղորդակցության (PR) մասնագետ, բիզնեսի կառավարիչ Լիզա Գասպարյանի հետ:
ԱՎԵԼԻՆ«Մի՛ հուսահատվիր, այլ լուծումներ գտիր»25 Jul, 2022Ինչպիսի՞ պատկերներով արտադրանք է ներկայացնում հանրությանը «Յատուկ» փազլների բրենդը: Բացի բիզնես գաղափարից ինչպիսի՞ այլ նպատակ ունի այն: Ի՞նչ դժվարություններ կային մտահղացման և այն իրականացնելու ճանապարհին: Բրենդը և նրա չինական գործընկեր կազմակերպությունը: Ձախողումներ. արդյո՞ք դրանցից հնարավոր է խուսափել որևէ գործունեություն ծավալելիս: Ինչպե՞ս հաղթահարել դրանք: Ի՞նչ է վախը և ինչպե՞ս հաղթահարել այն:
Մտավախություններ, որոնք հանդիպում են բիզնես սկսելիս, և դրանց վերլուծությունը:
Զրուցում ենք հայկական «Յատուկ» փազլների բրենդի հիմնադիր Ստեփան Կակոսյանի հետ:
ԱՎԵԼԻՆ«Անիպեմզա» ամսագիրը և դրանում արծարծվող թեմաները21 Jul, 2022«Անիպեմզա» ամսագիրը և նրանում արծարծվող թեմաները: Անիպեմզա գյուղի նիստուկացը, զբոսաշրջության զարգացումը և խնդիրները: Դժվարություններ՝ ամսագրի կայացման գործում: Ինչպե՞ս հաղթահարել դժվարությունները: Ինքնակրթությունը՝ դրա ճանապարհին: Սեփական գործողությունները սահմանափակող մտքերը և դրանց հաղթահարումը՝ որևէ ասպարեզում արդյունքի ու հաջողության հասնելու համար:
Զրույց «Անիպեմզա» ամսագրի թղթակից Ժենյա Մուրադյանի հետ:
ԱՎԵԼԻՆ«Միշտ պատկերացրու, թե դու որտեղ կարող ես լինել»19 Jul, 2022Ինչո՞ւ պետք է տիրապետել վաճառքի արվեստին: Ի՞նչ են վաճառում այն մարդիկ, որոնք խուսափում են վաճառելուց: Աշխատանքը կատարելիս միտքը սևեռել դրա դիմաց ստանալիք եկամտի՞, թե՞ աշխատանքը լավագույնս կատարելու վրա: Շա՞տ աշխատել, թե՞ ճիշտ աշխատել:
Զրուցում ենք «ՄարՄար» տուրիստական ընկերության տնօրեն Լիզա Գասպարյանի հետ:
ԱՎԵԼԻՆ«Դժվարությունները ոչ թե թևաթափ լինելու, այլ հաղթահարելու համար են»11 Jul, 2022Ինչպիսի՞ դժվարություններ են ծառանում հաշմանդամություն ունեցող մարդու առջև: Իսկ ինչպե՞ս են դրանք ազդում մարդու կարողությունների ու հնարավորությունների վրա: Հնարավո՞ր է արդյոք նման կարգավիճակով տարբեր ոլորտներում գրանցել այնպիսի արդյունքներ, որոնց մի մասն անհնարին կթվար նույնիսկ հաշմանդամություն չունեցողներից շատերին: Իսկ ինչպիսի՞ հատկանիշներ է պետք զարգացնել մեր մեջ՝ հաջողության հասնելու համար:
Զրույց հաշմանդամություն ունեցող անձանց «Փյունիկ» բարեգործական կազմակերպության Գյումրիի մասնաճյուղի ծրագրերի ղեկավար Արմենուհի Նիկողոսյանի հետ:
ԱՎԵԼԻՆ«Քեզ դուրս բեր կոմֆորտ զոնայից»10 Jun, 2022«Բիզնեսը շատ ռիսկային է, ավելի լավ է՝ ոչինչ չանես, քան նման ռիսկի դիմես»: «Ունեմ բազմաթիվ լավ գաղափարներ, բայց փող չունեմ իրականացնելու համար»: «Ես ժամանակ չունեմ զրոյից բիզնես սկսելու համար»: «Փողը չարիք է, և պետք չէ շատ փող ունենալ»:
Բիզնեսի հնարավորություններից հրաժարվելու և ստացած առաջարկները մերժելու համար շատերն այս և նման այլ պատճառաբանություններ են բերում: Իսկ ինչպե՞ս են մտածում բիզնեսմենները: Պատճառաբանություններին պատասխանում է «ՄարՄար» տուրիստական ընկերության տնօրեն Լիզա Գասպարյանը:
ԱՎԵԼԻՆ«Հայաստանը նպաստավոր երկիր է բիզնեսի հիմնադրման ու զարգացման համար»02 Jun, 2022«Զարթուցիչ» և «Պրակտիկ» նախագծերի նպատակի ու գործունեության մասին: Ովքե՞ր կարող են մասնակցել դասընթացներին: Ինչո՞ւ է հնարավոր բիզնես հիմնել և զարգացնել Հայաստանում: Նոր բան ձեռնարկելիս մեր մտքում գլուխ բարձրացնող վախերը, և վերաբերմունքը դրանց հանդեպ: Շրջապատի մարդկանց կարծիքները և քո նպատակները: Ե՞րբ է պետք համառություն դրսևորել: Հաջողություն և սխալներ:
Այս և այլ հարցերի շուրջ զրուցում ենք բիզնես խորհրդատու Գրիգոր Առաքելյանի հետ:
ԱՎԵԼԻՆ«Նույնիսկ հրաշալի գաղափարը ոչինչ է առանց գործի»15 Apr, 2022Սահմանամերձ բնակավայրերում ապրող հայրենակիցներին օգնելու մղումը և դեղատունը՝ անիվների վրա: Ի՞նչը շարժառիթ դարձավ «Դեղատար» ՀԿ-ի ստեղծման համար: Ինչպիսի՞ նպատակներ ու առաքելություն է որոշել իրականացնել կազմակերպությունը: Մեծ նպատակ և որոշակի բարդության խնդիրներ. ո՞ր դեպքում կհաղթի նպատակը: Համառությունը՝ որպես անհաջողություններն ու ձախողումները հաղթահարելու հիմնական ճանապարհ:
Զրուցում ենք «Դեղատար» ՀԿ-ի հիմնադիր-տնօրեն, բժիշկ-դեղագետ Սոֆյա Մնջոյանի հետ:
ԱՎԵԼԻՆ«Պիտի վախենաս քո նպատակի մեծությունից»07 Apr, 2022Ե՞րբ և ինչպե՞ս հիմնվեց «Հաթերք ֆուդ» ընկերությունը: Որքանո՞վ է կարևոր ծնողների ողջունելն ու խրախուսելը զավակների նոր գաղափարները և բիզնես ծրագրերը: Ինչպե՞ս մեղվապահ պապի գործունեությունը դարձավ հիմք՝ թոռան բիզնեսի համար:
Ինչպիսի՞ վերաբերմունք դրսևորել կողքից հնչող կարծիքների հանդեպ, երբ հստակ գիտես, թե ինչ ես անում, և ուր են հասցնելու քո քայլերը բիզնեսում: «Մեծ» նպատակները, որոնք համառ գործունեության արդյունքում նախատեսածից շուտ իրականացան. Սահմանեք առավել մեծ նպատակներ:Այս և այլ հարցերի շուրջ զրուցում ենք «Հաթերք ֆուդ» ընկերության հիմնադիր տնօրեն Սամվել Միրզախանյանի հետ:
ԱՎԵԼԻՆ«Բիզնեսում վախն անցնում է վախենալով գործելուց հետո»16 Mar, 2022Ինչպե՞ս ընդհանուր եզրեր ստեղծել արվեստի և բիզնեսի միջև: Կայացման ինչպիսի՞ փուլում է գտնվում «Վառեմ-մարեմ» արվեստանոցը, ինչպիսի՞ խմբակներ են գործում նրանում: Բացի մասնագիտական հմտություններից այլ հատկանիշների ձևավորում երեխաների մոտ: Հնարավորություններ մարդու առջև. Ընտրության երկու տարբերակ: Գործունեությունը նաև զբոսաշրջության ոլորտում. ինչպիսի տարբերություններ կան հայաստանցի և օտարերկրացի զբոսաշրջիկների հետաքրքրությունների միջև Գյումրիում:
Հարցերի և առնչվող թեմաների շուրջ զրուցում ենք «Վառեմ-մարեմ» արվեստանոցի անձնակազմից Լիանա Ներսիսյանի և Միքայել Վարդպարոնյանի հետ:
ԱՎԵԼԻՆ«Դժվարությունը ծնում է հնարավորություն»15 Mar, 2022Ինչպե՞ս սիրելի զբաղմունքը առօրյայի մեջ հետաքրքրություն մտցնելու միջոցից վերածվեց ընտանեկան բիզնեսի. Արագածի լանջերին աճող բույսերը՝ «Թեյքամ» ընկերության հումք: Ինչպե՞ս հաղթահարվեցին ներքին վախերը՝ ընկերություն հիմնելուց առաջ: Արդյոք վախը կա իրականությա՞ն մեջ, թե՞ միայն մեր մտքում: Ի՞նչ է սխալը գործունեության մեջ և ինչպե՞ս վերաբերվել դրանց:
Այս և այլ հետաքրքիր հարցերի շուրջ ունկնդրեք մեր զրույցը «Teicam» թեյարտադրող ընկերության հիմնադիր Կարինե Գևորգյանի հետ:
