You can

Ե՞րբ և ինչպե՞ս հիմնվեց «Հաթերք ֆուդ» ընկերությունը: Որքանո՞վ է կարևոր ծնողների ողջունելն ու խրախուսելը զավակների նոր գաղափարները և բիզնես ծրագրերը: Ինչպե՞ս մեղվապահ պապի գործունեությունը դարձավ հիմք՝ թոռան բիզնեսի համար:
Ինչպիսի՞ վերաբերմունք դրսևորել կողքից հնչող կարծիքների հանդեպ, երբ հստակ գիտես, թե ինչ ես անում, և ուր են հասցնելու քո քայլերը բիզնեսում: «Մեծ» նպատակները, որոնք համառ գործունեության արդյունքում նախատեսածից շուտ իրականացան. Սահմանեք առավել մեծ նպատակներ:

Այս և այլ հարցերի շուրջ զրուցում ենք «Հաթերք ֆուդ» ընկերության հիմնադիր տնօրեն Սամվել Միրզախանյանի հետ:

Ինչպե՞ս ընդհանուր եզրեր ստեղծել արվեստի և բիզնեսի միջև: Կայացման ինչպիսի՞ փուլում է գտնվում «Վառեմ-մարեմ» արվեստանոցը, ինչպիսի՞ խմբակներ են գործում նրանում: Բացի մասնագիտական հմտություններից այլ հատկանիշների ձևավորում երեխաների մոտ: Հնարավորություններ մարդու առջև. Ընտրության երկու տարբերակ: Գործունեությունը նաև զբոսաշրջության ոլորտում. ինչպիսի տարբերություններ կան հայաստանցի և օտարերկրացի զբոսաշրջիկների հետաքրքրությունների միջև Գյումրիում:

Հարցերի և առնչվող թեմաների շուրջ զրուցում ենք «Վառեմ-մարեմ» արվեստանոցի անձնակազմից Լիանա Ներսիսյանի և Միքայել Վարդպարոնյանի հետ:

Ինչպե՞ս սիրելի զբաղմունքը առօրյայի մեջ հետաքրքրություն մտցնելու միջոցից վերածվեց ընտանեկան բիզնեսի. Արագածի լանջերին աճող բույսերը՝ «Թեյքամ» ընկերության հումք: Ինչպե՞ս հաղթահարվեցին ներքին վախերը՝ ընկերություն հիմնելուց առաջ: Արդյոք վախը կա իրականությա՞ն մեջ, թե՞ միայն մեր մտքում: Ի՞նչ է սխալը գործունեության մեջ և ինչպե՞ս վերաբերվել դրանց:
  

Այս և այլ հետաքրքիր հարցերի շուրջ ունկնդրեք մեր զրույցը «Teicam» թեյարտադրող ընկերության հիմնադիր Կարինե Գևորգյանի հետ: 

Ճանապարհը սիրելի գործից մինչև կայացած բիզնես, և ապա նրա վերածումը երեք բիզնես գործունեության: Ինչո՞վ են ներկայանում հանրությանը Duet fashion studio handmade, Jean.Ed ArtStudio handmade և AZI HandMade Wedding Studio ընկերությունները: Նոր գաղափարի կարևորությունը արտադրության մեջ: Մարդու ներքին վախերը և դրանց ազդեցությունը նրա գործունեության վրա: Կա՞ արդյոք ձախողում. ի՞նչ է այն: Մեր առջև բացվող հնարավորությունները. ի՞նչ կունենանք մերժման կամ օգտվելու դեպքերում: Քանի որ միտքն է մեր բոլոր գործունեությունների և դրանց արդյունքի թելադրողը, ինչպե՞ս աշխատանք տանել նրա հետ՝ տեսակով հաջողակ դառնալու համար:
 

Այս և այլ հետաքրքիր հարցերի շուրջ ունկնդրեք դրական էներգիայով հարուստ մեր զրույցը Ժաննա Մուրադյանի հետ: 

Ինչո՞ւ և ինչպե՞ս պայքարել սեփական մտքերի դեմ, երբ նրանք աղաղակում են, թե ոչինչ հնարավոր չէ փոխել: Ի՞նչ քայլերով նպաստել ինքնազարգացմանը, և ի՞նչ կտա դա մարդուն: Փողը պետք է լինի մեր գործողությունների նպատա՞կ, թե՞ նպատակին հասնելու միջոց: Տխրե՞լ, թե՞ ուրախանալ, երբ կա խնդիր:

 Այս և այլ հետաքրքիր հարցերի շուրջ զրուցում ենք «Շիրակը մեր տունն է» երիտասարդական նախաձեռնության համահիմնադիր Արսեն Վարդանյանի հետ:

Փորձով հարստացած գիտելիքները, որոնք բերեցին գործունեության զարգացման նոր մակարդակի: Ի՞նչ դժվարությունների առջև կանգնեցին ավտոդպրոցի հիմնադիրները այս ընթացքում: Ինքնակրթությունը բիզնեսում և երթևեկության կանոնները սերտելիս:
Ավտոդպրոցի գործունեության աշխարհագրական ընդլայնումը:

Զրույց «Զեբրա» ավտոդպրոցի համահիմնադիր Էլզա Գինեցյանի հետ:

 Ինչպե՞ս կարելի է պատմաբանի մասնագիտությանը զուգահեռ զբաղվել կարատեով, երգով, պարով, նկարչությամբ, և հաջողության ու զգալի արդյունքների հասնել այս բոլոր ասպարեզներում: Ինչպե՞ս հաղթահարել հասարակության թելադրած կարծրատիպերը և դրանցով պայմանավորված ներքին վախերը: Ի՞նչ արժեք ունեն ուրիշների կարծիքները, երբ քո խնդիրները լուծելիս նրանք քո կողքին չեն: Ո՞ւր կհասնի մարդը, եթե ամուր պարփակված մնա կոմֆորտ զոնայում: Գլուխը կախել ու հանձնվե՞լ ձախողման առաջ, թե՞ շարունակել պայքար մղել հանուն հաջողության:
  Զրույց պատմաբան Լիլիթ Ասոյանի հետ:

Հոբբիից մինչև լուրջ առաջընթաց բիզնես ոլորտում: Ի՞նչ է տալիս թույլ տրված սխալներից սովորելը: Ինչպե՞ս վերաբերվել ձախողումներին և անհաջողություններին, որոնք անխուսափելի են ցանկացած գործունեության մեջ: Ե՞րբ է գալիս հաջողությունը, և ինչպիսի հատկանիշներ պետք է զարգացնես քո մեջ՝ նպաստելու համար դրան:

Հայաստանի առաջին հանրապետության հարաբերությունները Ռուսաստանի հետ: Որո՞նք էին նրա սահմանները: Ինչպիսի՞ նպատակներ էր հետապնդում Խորհրդային Ռուսաստանը՝ Ադրբեջանի ստեղծմամբ: Լեռնային Ղարաբաղի ոդիսականը այս ժամանակահատվածում: Նրա ժողովրդագրական պատկերը: Իրավական հիմքեր, որոնց վրա կարող է հիմնվել հայկական կողմը: Ազգային գաղափարախոսության ու նպատակի սահմանման անհրաժեշտությունը:
 Զրույց պատմաբան, Շիրակի պետական համալսարանի դոցենտ Լիլիթ Ասոյանի հետ:

Մեկ հոլովակից մինչև ծավալուն հաղորդումներ: Ինչպիսի՞ դժվարություններ պետք էր հաղթահարել այդ ճանապարհին: Ձախողումներ, անհաջողություններ և համառ կամք՝ դրանք հաղթահարելու համար: Ինչպես կարելի է սեփական անձը դուրս նետել հարմարավետության գոտուց՝ առավել մեծ արդյունքների հասնելու համար:
Զրուցում ենք «Time production» ընկերության գործադիր տնօրեն և համահիմնադիր Գևորգ Գևորգյանի հետ:

Հայ ավանդական տիկնիկները և դրանց ծիսական նշանակությունը: Ո՞ւմ էին խորհրդանշում նրանք, ինչպե՞ս էին պատրաստում և ի՞նչ հավատալիքներ էին կապված նրանց հետ: Հայկական տիկնիկագործությունը մեր օրերում. հինն ու նորը կողք-կողքի:

Որո՞նք են բիզնեսմենին հաջողության հասցնող հատկանիշները: Նոր քայլեր կատարելիս ինչպե՞ս վերաբերվել սեփական վախերին: Ինչո՞վ են տարբերվում հաջողակ և անհաջողակ մարդիկ: Ինչո՞ւ է ամհրաժեշտ միշտ պատրաստ լինել ինքնակրթության:
 Այս և այլ հարցերի շուրջ, ինչպես նաև սեփական բիզնեսներում հաջողության մասին զրուցում ենք Digital technology ՍՊԸ և «Ամալի» օճառի արտադրության համասեփականատեր Արթուր Դավթյանի հետ: