FAQ
Ask your question
Պատասխան
Երբ Պետրոսը հարցնում է Հիսուսին, թե ահա,իրենք թողել են ամեն ինչ ու եկել են նրա հետևից, իրենց ի՞նչ է սպասվում, Հիսուս ասում է, որ իր մյուս գալստյան ժամանակ 12 առաքյալները նստելու են 12 աթոռների վրա և դատելու են Իսրայելի 12 ցեղերին։
Այս հատվածի մասով երկու հարց ունեմ․ ինչո՞ւ հենց միայն Իսրայելի ցեղերին։
Եւ երկրորդ հարցս՝ այդ տասներկուսի մեջ էր մտնում նաև Հուդան։ Մի՞թե նա էլ պիտի լինի այդ դատողների մեջ։
Եթե Դրախտը գտնվում էր Տիգրիս, Եփրատ և մյուս երկու գետերի մեջտեղում, այսինքն՝ երկրի վրա, այդ դեպքում ի՞նչ ենք հասկանում, ասելով, որ մահից հետո մարդու հոգին գնում է դրախտ կամ դժոխք։ Որտե՞ղ է դրախտը։
Ինչպե՞ս ենք ասում, թե Մարիամը միշտ կույս էր, երբ տարբեր ավետարաններում խոսվում է Հիսուսի եղբայրներ Հովսեսի, Սիմոնի, Հուդայի և Հակոբոսի ու քույրերի մասին։
Հոգևորականները հաճախ հորդորում են հնազանդ լինել։ Բայց որքան ես եմ հասկանում, նրանք ակնկալում են հնազանդություն նաև իրենց հանդեպ։ Իսկ մի՞թե դա ճիշտ է։ Հոգևորականն էլ ինձ նման մարդ է, ես ինչո՞ւ պիտի հնազանդվեմ նրա կամքին, երբ երբեմն զգում եմ, որ նա իմ հնազանդությունն օգտագործում է իր օգուտի համար։
Ուրեմն հոգևորականի՞ն պիտի հնազանդ լինել, թե՞ Աստծո կամքին՝ այն ամենի մեջ, ինչ տեղի է ունենում իմ կյանքում։
Իմ ընկալմամբ, երբ մեկի մասին ասում են «Աստծուն հաճելի գործեր է անում», դրանով, կարծես, ասել են ուզում, թե կան մարդիկ էլ, որոնք, իրենց գործերով, կարող են Աստծուն տհաճություն պատճառել։ Բայց, կարծում եմ, Աստված նման զգացումներից վեր է, և մարդն ու իր կատարած գործերը շատ փոքր են՝ Աստծուն հաճույք կամ տհաճություն պատճառելու համար։ Երևի ավելի ճիշտ կլինի ասել՝ «Աստծու ծրագրին համապատասխա՞ն գործեր»։
Վերջերս Ռադիո Մարիամի ֆեյսբուքյան էջում հրապարակվել էր Կարլո Ակուտիսի սրբադասման մասին հոդված, որի տակ շատերն իրենց զարմանքն էին հայտնում։ Այստեղ երկու հարց ունեմ․ ինչո՞ւ են սովորաբար հին դարերի սրբադասված մարդկանց ընդունում, իսկ նոր ժամանակներում՝ դժվարությամբ։
Եվ երկրորդ հարցս․ հանդիպեցին նաև կարծիքներ, թե մարդը չի կարող սուրբ լինել, այլ միայն Աստված է սուրբ։ Ես որքան հասկանում եմ, մարդու կյանքի նպատակը հենց սրբանալն է, սուրբ լինելը, ինչպես Տեր Աստված է սուրբ։ Դուք ի՞նչ կասեք այդ մասին։
Հետաքրքիր է, որ Աբելի սպանության առթիվ տեսնում ենք Աստծուն, որ խոսում է Կայենի հետ, հանդիմանմում նրան, իսկ Ադամն ու Եվան ոչ մի արձագանք չեն տալիս այս իրադարձությանը։ Արդյո՞ք Ադամի ու Եվայի մեղքից բխում էր նաև Կայենի մեղքը, թե՞ դա անկախ մեղք էր և կարող էր դեռ Դրախտում էլ պատահել։
Միջնադարի պատմությունից տեսնում ենք, որ որքան մարդկանց մեջ տարածված էր տգիտությունը, այնքան խորն էր հավատը։ Ու թվում է՝ հենց այդ նպատակով էլ հասարակություններին տգիտության մեջ են պահել։ Բայց հիմա էլ նայում ես՝ այս զարգացած դարում հավատքի համատարած թուլացումն էլ լավ չէ։
Հարցս այս է․ արդյո՞ք տգիտության վրա հիմնված հավատը լավ է, և կարելի չէ՞ զարգացած գիտության 21-րդ դարում էլ ունենալ զորեղ հավատ։
Հարգելի Արտակ, խնդրում եմ զանգահարել մեր խմբագրույթուն՝ 0312 33273 հեռախոսահամարով, և ասել, թե որ հաղորդումն եք ուզում լսել կրկին։ Անհրաժեշտության դեպքում այն կտրամադրենք։ Կայքում տեղադրվում են միայն վերջին շրջանի հաղորդումները։
Հարգելի Պողոսյան, խնդրում ենք հարցն ավելիս հստակ գրել, որպեսզի հնարավորինս բազմակողմանի պանասխանենք Ձեզ։
Հարգելի Լիգիա, շնորհակալ ենք մեզ գրելու համար։ Հավանաբար տեխնիկական խնդիրներ կան։ Մասնագետներն աշխատում են։ Մոտ ապագայում խնդիրը կլուծվի, և կրկին կկարողանանք լսել մեր հաղորդումները հեռուստացույցով։
Գյումրի 093-72-33-32, (0312)-37233
Երևան 093-7253-32
Ի՞նչ կարող եմ ասել։
Այս տողերը գրելուց առաջ և այս տողերը գրելիս աղոթում եմ՝ խնդրելով Աստծուց, որ իր լույսը սփրի մտքիս
և սրտիս մեջ։
Հուսահատության եզրին ես հասել։ Անշուշտ, իրավունք ունես։ Իսկ հույսն Աստծո պարգևն է, որ աղոթքովս
հայցում եմ քեզ համար։
Այն, ինչ որ պիտի ասեմ, մարդկայնորեն անիմաստ կարող է թվալ։ Խնդրում եմ մի անտեսիր, այլ փորձիր 30
օր։ Ամեն առավոտ, երբ արթնանաս, սկսի՛ր օրդ, ասելով՝ «Բարի լույս Հիսո՛ւս, վստահում եմ քեզ»։ Սա իմ
անմիջական պատասխանն է քո խնդրին։ Հավատա Աստծուն, իրապես վստահիր նրան, և կարող ես հրաշքներ տեսնել։
Ձեր ընտանեկան հարաբերությունները այդպես հեշտ չեն վերականգնվի։
Այն ինչ-որ պիտի ասեմ հիմա, էլի անիմաստ կարող է թվալ։ Բայց և այնպես կասեմ։ Անշուշտ, որևիցե
պատճառ կամ նպատակ չես կարող տեսնել, որպեսզի նրան որևիցե հարգանք ցույց տաս։
Իսկ եթե կարողանաս՝ անտեսելով նրա մոր վերաբերմունքը, հարգանք ցո՞ւյց տալ իրեն ․․․ Կարո՞ղ ես, մի
ամբողջ 7 օր, ամեն օր մտածել՝ ինչպես կարող ես նրան գոհացնել։ Առանց սպասելու, որ նա որևիցե կերպ կփոխվի։
Կարո՞ղ ես, այդ նույն ընթացքում իրեն հաճելի ճաշ կամ անուշեղեն կամ որևիցե բան, որ գիտես որ ինքը սիրում է,
դա անել, առանց սպասելու, որ շնորհակալություն հայտնի (նա կարող է նույնիսկ քեզ վիրավորել)։
Շատ հույս չունեմ, որ ընդունես այս գրությունը։ Բայց և այնպես կշարունակեմ աղոթել քեզ համար։ Եթե
ավելի դժվար մի լուծում կցանկանաս, ահավասիկ քրիստոնյա մի պատասխան։ Այս պատասխանը, Հիսուսի սրտին շատ
մոտիկ է։
Աստված մեր տառապանքը չի կարող անտեսել։ Նա քեզ հետ տառապում է։ Հիսուս քեզ սիրում է։ Հիսուս իր
սերը ցույց տվեց՝ ընդունելով մահը՝ մեր փրկության համար։ Քո ամուսնու վարվելակերպը շա՜տ երկար պատմություն
ունի։ Նրա վերաբերմունքը նրա ծնողների վատ դաստիարակության արդյունքն է, և նրա պապը և տատը շատ վատ են
դաստիարակել իրենց զավակներին՝ այսպիսով երկար կարող ենք գնալ դեպի անցյալը։ Ձեր օրինակը ևս շատ վատ
ձևով է պատրաստում ձեր զավակներինէ իրենց ամուսնական կյանքի համար։
Ուզում եմ ասել, որ այս ամենը մի շղթա է կազմում, որի բուն պատճառը մեր բոլորի մեղավոր լինելն է։
Ի՞նչ կարելի է անել։
Վերևում նշված կարճ աղոթքից բացի, կարող ես ամեն օր քո տառապանքը որպես լավագույն աղոթք
բարձրացնել առ Աստված, Հիսուս Քրիստոսի միջոցով, ով այնքան տառապեց մեր մեղքերի քավության համար։
Հիսուս անպայման կօգնի քեզ։ Որքան էլ դժվար լինի քեզ համար ընդունել այս ասելիք խոսքս, բայց էլի կասեմ․
դու Աստծո շատ սիրելի դուստրն ես։ Քո ապագան Աստծո և քո ձեռքերի մեջ է։ Վստահի՛ր նրան, վստահի՛ր նրա
սիրուն։
Եվ ես, կշարունակեմ աղոթել ձեր երկուսի համար։
Հարգելի Ռուզաննա, Ձեր հարցի պատասխանը կարող եք ստանալ՝ լսելով ձայնագրությունը:
Հարգելի՛ Դավիթ, Ձեր հարցի պատասխանը կարող եք ստանալ՝ լսելով ձայնագրությունը:
Հարգելի Աննա, Ձեր հարցի պատասխանը կարող եք ստանալ՝ լսելով ձայնագրությունը:
Հարգելի՛ Անահիտ, որքան հաճելի էր Ձեր նամակը ստանալը: Շնորհակալություն գնահատականի համար: Յուրաքանչյուրիդ արձագանքը մեզ համար կարևոր է:
Սիրելի՛ Մերի, շնորհակալություն ջերմ խոսքերի, դրական կարծիքի համար: Այն մեզ համար շատ կարևոր է ու ոգևորող:
Ձեր հարցի պատասխանը լսեք ՙՙՋրաներկի՚՚ երգող գույները հաղորդման ընթացքում:
Ձեր հարցի պատասխանը լսեք ՙՙՋրաներկի՚՚ երգող գույները հաղորդման մեջ:
Ձեր հարցի պատասխանը լսեք ՙՙՋրաներկի՚՚ երգող գույները հաղորդման մեջ:
Ձեր հարցի պատասխանը լսեք ՙՙՋրաներկի՚՚ երգող գույները հաղորդման մեջ:
Հարգելի Անի, Ձեր հարցի պատասխանը կարող եք ստանալ՝ լսելով Կրթության ներառականությունը հաղորդումը:
Մենք պարտավոր ենք ներողություն խնդրել այն անձից, ում ասել ենք այն, ինչ չպիտի ասեինք։ Բայց երբ դա միայն մեր մտքով է անցնում, մենք չենք բարձրաձայնում, կարիք չկա անգամ, որ այդ մարդն իմանա, որ իր մասին վատ բան ենք մտածել։ Բավարար է, որ մենք Աստծուն դիմենք և Նրանից շնորհք խնդրենք, որ մեզ ուշ, կարողություն տա, որ նման մտքերն այլևս չկրկնվեն։ Փորձենք ավելի մոտ լինել այդ մարդուն, առանց, որ ինքն իմանա, և այդպիսով լավագույն ներողությունը հայցած կլինենք։ Դուք իրոք կենդանի խղճի տեր եք։ Բայց պետք չէ խղճահարության մեջ մտնել, որ դա հիվանդություն չդառնա։ Մենք շատ հաճախ ուրիշների մասին ինչեր ասես մտածում ենք․ բայց չենք արտահայտում, եթե սխալվել ենք, Աստծուց խնդրենք ներողություն, իսկ եթե արտահայտվել ենք, ուրեմն անպայման այդ մարդուց պետք է ներողություն խնդրենք։
Հարգելի՛ Մոնիկա, հոկտեմբերի 22-ին՝ ժամը 20։15-ին, "Իմանանք ավելին" հաղորդաշարի եթերում բժիշկը կխոսի Ձեզ հետաքրքրող խնդիրների մասին։
Ասեմ, որ հարցիդ նախաբանը ինձ հետաքրքրեց: Ցանկանում ես պատասխաններ ստանալ Աստվածաշնչից: Շատ բարի: Ասեմ, որ վարդապետի գիտելիքները հիմնված են Աստվածաշնչի վրա, որը և ավելի հասկնալի է դարձել կյանքի փորձառությամբ: Աստվածաշունչը մեզ սովորեցնում է, որ այն ամենը, ինչ տեղի է ունենում տիեզերքում, միշտ Աստծո կամքով է պատահում: Աստվածաբանները բացատրում են, որ այն, ինչ լինում է, աստծո ցանկությամբ է կամ թույլտվությամբ: Ի վերջո, ոչ ոք չի կարող Աստծո ծրագիրը խափանել: Երբ Ադամը և Եվան մեղանչեցին, Աստված մի մեծ բարիք գործեց մեզ համար՝ իր Միածին Որդուն Աշխարհ ուղարկելով: Սատանան կարծեց, որ կարող է խափանել Աստծո ծրագիրը՝ իրականացնելով Հիսուսի մահը, բայց պարտվեց Հիսուս Քրիստոսի հարությամբ: Աստված մարդուն իրապես ազատ է ստեղծել: Սա նշանակում է, որ մարդս կարող է և սխալ որոշումներ կայացնել: Ի՞նչն է կարևորը: Կարևոր է՝ հասկանանք, թե Աստված որքա՜ն շատ է սիրում մեզ: “Աստված անքան սիրեց աշխարհը, որ ուղարկեց իր Որդին, որպեսզի նա, ով հավատա, չկորչի, այլ ընդունի հավիտենական կյանքը”: Մենք կարող ենք “աշխարհ” բառը փոխել և մեր անունը դնել: Սխալներ հաճախ կարող ենք գործել: Բայց երբեք չմտածենք, որ Աստված մեզ պիտի պատժի: Աստված մեծ համբերությամբ սպասում է մեր վերադարձին: (Անառակ որդու պատմությունը): Լավ կլինի միշտ Սուրբ Հոգուց խնդրել, որ մեզ առաջնորդի, ուղղություն ցույց տա: Սուրբ գրքի մեջ իրապես շատ-շատ են այն հատվածները, որտեղ Աստված մեզ սովորեցնում է իրեն վստահելու անհրաժեշտությունը: Աստծո անունը սեր է: Աստծո անունը ողորմածություն է: Մեր աղոթքների մեջ մենք միշտ դիմում ենք նրան՝ բազումողորմ, մարդասեր, գթառատ … Ինչ սխալ էլ գործենք, Աստված մեր կողքին է: Նա երբեք չի հեռանում մեզանից: Մենք ենք, որ հաճախ հեռանում ենք նրանից: Աստված ամենուր է, ուրեմն՝ Աստված մեր սրտի խորքում է: Կարդում էի մի քարոզիչի մասին, որ նա չափահաս տարիքում է դարձի գալիս և հաջորդ վեց տարիներին ամաչում էր, որ ամեն անգամ պատարագի մասնակցելիս այդքան շատ լաց էլ լինում: Երեկ կարդում է, որ արցունքները սրտի պատուհաններն են մաքրում: Սուրբ Պետրոսը տարիներ շարունակ լաց եղավ: Նույնիսկ Հիսուսը լաց եղավ Ղասարոսի գերեզմանի դիմաց: Սուրբ Ներսես Շնորհալին “Առավոտ լուսո” աղոթքում գրում է. Ջուր շնորհեա աչացս Ջերմ հեղուլ զարտոսր Ջնջել զյանցանս: Մի՛ վախեցիր: Կառչիր Աստծո գթառատ ողորմությունից, որը նրա սիրո ամենամեծ արտահայտությունն է:
Հարգելի՛ Աշոտ, խնդրում եմ ավելի մանրամասն գրեք, թե ինչ նյութ է Ձեզ հետաքրքրում:
